په افغانستان کې د بشري مرستو اړتیا ، مؤثریت او اغېزې | م.الیاس حبیبي
پدې لنډه لیکنه کې مې په افغانستان کې د بشري مرستو یا Humanitarian Aid په اړتیا ، موثریت او اغېزو اشاره کړئ ده. افغانستان د نړۍ په هغه هیوادونه کې راځي چې د بیلابیلو عواملو په اساس د نړۍ ترټولو اړمن ، آسیب پذیره او د بیلابیلو بحرانونو سره مخ هیواد دی. دا بحرانونه یا crisis عموماً په دوو برخو ویشلئ شوو: ۱: طبیعي عوامل ، لکه وچ کالي ، زلزلې ، سیلابونه او داسې نور... ۲: انساني عوامل ، لکه جګره ، د خارجي هیوادونه لاسوهنه ، د تعلیم او پوهې کچه تیټ والی ، د یوالي نشتون ، شخصي ارزښتونو پر ملي ارزښتونو ترجې ورکول ، فقر او داسې نور... د خوړو نړیوال پروګرام یا World Food Programme د ورورستي راپور په اساس په افغانستان کې ۲۸ میلیونه وګړي د خوړو ناخوندیتوب یا Food Insecurity سره مخامخ دی ، او اړتیا ده چې بشري مرستې نورې هم چټکې شي. د روغتیا نړیوال سازمان (WHO) او د ملګرو ملتونو د ماشومانو د حمایت صندوق یا UNICEF د راپورونه په اساس ۵ میلیونه ماشومان د حاد سوءتغدیې سره مخامخ دی ( دا د سوتغدیې ترټولو خطرناک حالت دی چې دوامدارې درملنې ته اړتیا لري). د بلې خوا کاري فرصتونه کموالی بل لوی ع...